Kubanın milli elektrik sistemi bazar ertəsi günorta saatlarında sıradan çıxıb və nəticədə təxminən 10 milyon nəfər elektrik enerjisiz qalıb.
Bu barədə ölkənin elektrik şəbəkəsini idarə edən UNE məlumat yayıb.
Məlumatda bildirilib ki, hadisənin səbəblərinin müəyyənləşdirilməsi məqsədilə araşdırma aparılır.
Qeyd edilib ki, Kuba son aylarda köhnəlmiş enerji infrastrukturu və ABŞ-ın tətbiq etdiyi blokada səbəbindən adaya yanacaq tədarükündə yaranan problemlər fonunda mütəmadi elektrik kəsintiləri ilə üzləşir.
Bundan əlavə, uzun müddətdir davam edən iqtisadi böhran şəraitində ölkə elektrik enerjisi ilə təminatda dəfələrlə çətinlik yaşayıb. Hazırda isə ABŞ administrasiyasının artan təzyiqləri fonunda vəziyyət daha da ağırlaşıb.
Pakistan ABŞ və İran arasında danışıqların uğurlu keçməsi üçün bütün səylərini səfərbər edəcək.
APA xəbər verir ki, bu barədə ölkənin Baş naziri Şahbaz Şərif xalqa müraciətində bildirib.
Onun sözlərinə görə, ABŞ və İran nümayəndə heyətləri arasında danışıqlar şənbə günü İslamabadda başlayacaq.
Qazaxıstan hakimiyyəti ölkənin yeni Konstitusiyası ilə bağlı referendumun keçirilməsinə təxminən 20,78 milyard təngə (təxminən 41,8 milyon ABŞ dolları) xərcləməyi planlaşdırır.
Trend xarici KİV-ə istinadən xəbər verir ki, bu barədə Mərkəzi Referendum Komissiyasının üzvü Mixail Bortnik brifinqdə jurnalistlərə məlumat verib.
“Maliyyə Nazirliyi ilə aparılan hesablamalardan sonra biz 20, 778,515,000 təngə məbləği üzərində dayandıq”,- deyə o, müvafiq suala cavab verərkən bildirib.
Bortnik qeyd edib ki, vəsaitlərin böyük hissəsi (təxminən 75 faizi) bütün səviyyələr üzrə seçki komissiyalarının əməkdaşlarının əməkhaqlarının ödənilməsinə yönəldiləcək. Vəsaitlərin bir hissəsi isə xaricdə yerləşən seçki məntəqələrində səsvermənin təşkili və keçirilməsi üçün Qazaxıstan Xarici İşlər Nazirliyinə ayrılacaq.
Referendum martın 15-nə təyin olunub. Qazaxıstanda və ölkə hüdudlarından kənarda səsvermə üçün 10 mindən çox məntəqə təşkil ediləcək. Referendumda 12,4 milyondan artıq Qazaxıstan vətəndaşı iştirak edə biləcək.
Rusiyanın Ukraynaya qarşı “Oreşnik” ballistik raketindən istifadəsi, Lvov bölgəsinə zərbəsi, Avropa İttifaqı ölkələrinə açıq təhlükədir. Bu, bir çox Avropa paytaxtları üçün ortaq problem yaradır.
Bunu Ukrayna Prezidenti Volodimir Zelenski axşam çıxışında bildirib.
Prezident qeyd edib ki, Rusiyanın “Oreşnik” raketinin hücumu Avropa İttifaqı ölkələrinin sərhədlərinə açıq şəkildə yaxın baş verib. Ortamənzilli ballistik raketlərin istifadəsini nəzərə alsaq, bu, Varşava, Buxarest, Budapeşt və bir çox digər paytaxtlar üçün ortaq bir problem yaradır.
“Hər kəs eyni şeyi başa düşməli və buna eyni dərəcədə ciddi yanaşmalıdır: əgər ruslar bu cür silahlardan istifadə etmək üçün ağlabatan bir səbəb tapmağa çalışmasalar, şəxsi əlaqələr və ya hər hansı bir ritorika bunu ört-basdır etməyəcək. Birgə fəaliyyət sistemi, həqiqətən təsirli bir müdafiə sistemi olmalıdır”, – deyə Zelenski vurğulayıb.
Eyni zamanda, Prezident əlavə edib ki, belə bir birgə müdafiə sisteminin mövcud olub-olmaması məsələsi hələ də açıq və cavabsız qalır.
Emil Hüseynli
AZƏRTAC-ın xüsusi müxbiri
Kiyev
Azərbaycan Respublikasının Prezidenti Zati-aliləri cənab İlham Əliyevə
Hörmətli İlham Heydər oğlu.
Doğum gününüz münasibətilə Sizi təbrik edirəm.
Sizin səyləriniz sayəsində Azərbaycan Respublikası dövlətçiliyinin möhkəmləndirilməsində və əhalisinin sosial-iqtisadi rifahının yaxşılaşdırılmasında nəzərəçarpan nəticələr əldə edib.
Ölkələrimizin xalqlarının mənafeyi naminə ikitərəfli əlaqələrin, həmçinin “Yedinaya Rossiya” Ümumrusiya Siyasi Partiyası və Yeni Azərbaycan Partiyası arasında əməkdaşlığın daha da dərinləşməsinə ümid edirəm.
Hörmətli İlham Heydər oğlu, Sizə möhkəm cansağlığı, xoşbəxtlik diləyir və ən xoş arzularımı çatdırıram.
Dmitri Medvedev
Rusiya Federasiyası Təhlükəsizlik Şurası sədrinin müavini
Azərbaycan Respublikasının Prezidenti Zati-aliləri cənab İlham Əliyevə
Hörmətli İlham Heydər oğlu.
Əziz qardaşım.
Zati-aliləri, Sizi doğum gününüz münasibətilə səmimi-qəlbdən təbrik edir, ən xoş arzularımı çatdırmaqdan böyük məmnunluq hissi duyuram.
Sizi əzəli qardaşımız olan Azərbaycan xalqının əsl vətənpərvər və fədakar övladı, müdrik və sədaqətli rəhbəri, dövrümüzün görkəmli dövlət xadimi, beynəlxalq miqyasda yüksək hörmət və nüfuza malik böyük siyasətçi kimi yaxşı tanıyır və yüksək qiymətləndiririk.
İdarəçilik sahəsindəki zəngin bilik və təcrübəniz, uzaqgörən, müdrik və səmərəli siyasətiniz nəticəsində doğma Vətəninizin təkcə ərazi bütövlüyü bərpa olunmayıb, həm də onun beynəlxalq arenadakı mövqeyi və nüfuzu ildən-ilə daha da möhkəmlənib ki, bütün bunlar bizi sonsuz dərəcədə sevindirir.
Bu məqamda Sizin irəli sürdüyünüz mühüm regional və qlobal təşəbbüslərin dünya ictimaiyyəti tərəfindən geniş dəstək görməsini də xüsusi vurğulamaq istərdim.
Dost və qardaş dövlətlərimiz arasında strateji tərəfdaşlıq, müttəfiqlik münasibətlərinin möhkəmləndirilməsi yolundakı böyük xidmətləriniz və qətiyyətli səyləriniz sayəsində qardaşlıq əlaqələrimizin tamamilə yeni keyfiyyət mərhələsinə yüksəldiyini məmnuniyyətlə qeyd edirik.
Hörmətli İlham Heydər oğlu, qarşıya qoyduğumuz ali məqsədlərə çatmaq üçün birgə səylərimiz, ali səviyyədə aparılan fəal və konstruktiv dialoqumuz nəticəsində çoxşaxəli və uzunmüddətli əməkdaşlığımızın qardaş xalqlarımızın ümumi tərəqqisi naminə bundan sonra da səmərəli inkişaf edəcəyinə qəti şəkildə inanıram.
Əziz dostum, həyatınızın bu sevincli və unudulmaz günü münasibətilə Sizi bir daha səmimi-qəlbdən təbrik edir, Ulu Tanrıdan Sizə möhkəm cansağlığı, ailə səadəti, ölkənizin əmin-amanlığı və rifahı naminə həyata keçirdiyiniz məsuliyyətli dövlətçilik fəaliyyətinizdə yeni-yeni nailiyyətlər, dost Azərbaycan xalqına isə sülh, əmin-amanlıq və davamlı inkişaf arzulayıram.
Səmimi ehtiramla,
Şavkat Mirziyoyev
Özbəkistan Respublikasının Prezidenti