18 Avqust 2026
İqtisadiyyat nazirinin müavini Masallıda vətəndaşların müraciətlərini dinləyəcək
Avqustun 20-də iqtisadiyyat nazirinin müavini Azər Bayramov Masallı şəhərində Masallı, Cəlilabad və Yardımlı rayonlarından olan vətəndaşlarla görüşəcək.
İqtisadiyyat Nazirliyindən AZƏRTAC-a bildirilib ki, görüş saat 11:00-dan etibarən Masallı şəhəri, Dadva yaşayış massivi, Masallı Sənaye Məhəlləsinin inzibati binasında keçiriləcək.
Görüşə gəlmək istəyən vətəndaşlar İqtisadiyyat Nazirliyinin rəsmi internet səhifəsində qeydiyyatdan keçməklə və ya “195-1” Çağrı Mərkəzinə zəng etməklə nazirliyin fəaliyyət istiqamətlərinə dair məsələlərlə bağlı müraciət edə bilərlər.
