QANUNLAR

Birinci Xanım Mehriban Əliyeva
​Azərbaycanın müasir dövlətçilik tarixində və ictimai-siyasi həyatında özünəməxsus dəst-xətti, dərin zəkası və nəcib əməlləri ilə silinməz izlər qoyan şəxsiyyətlər arasında Birinci vitse-prezident, Birinci xanım Mehriban Əliyevanın müstəsna yeri var. 26 Avqust – təkcə təqvimdəki bir tarix deyil, xalqımızın məhəbbətini və rəğbətini qazanmış böyük bir insanpərvər şəxsiyyətin doğum günüdür.
​Bir jurnalist kimi illərdir şahidi oluram ki, Mehriban xanım Əliyevanın fəaliyyəti təkcə dövlət idarəçiliyi ilə məhdudlaşmır; o, həm də mənəvi dəyərlərin, humanist idealların və xeyirxahlığın bayraqdarıdır. Rəhbərlik etdiyi Heydər Əliyev Fondunun vasitəsilə təhsil, səhiyyə, mədəniyyət və sosial sahələrdə həyata keçirilən nəhəng layihələr minlərlə insana ümid, gələcəyə inam bəxş edib. Azərbaycan mədəniyyətinin beynəlxalq aləmdə təbliği, tarixi və dini abidələrimizin bərpası istiqamətində gördüyü işlər onun milli-mənəvi irsimizə sonsuz sədaqətinin təzahürüdür.
​Xüsusilə Vətən müharibəsindən sonra işğaldan azad olunmuş torpaqlarımızda həyata keçirilən bərpa-quruculuq işlərində, şəhid ailələrinə və qazilərimizə göstərilən diqqət və qayğıda Mehriban xanımın ana nəvazişi və səmimi yanaşması hər birimizin qəlbini qürurla doldurur. O, müasir Azərbaycan qadınının intellektual gücünü, kübarlığını və humanist obrazını bütün dünyaya ən yüksək səviyyədə təqdim edir.
​Bu əlamətdar gündə – 26 Avqust tarixində, Birinci xanım Mehriban Əliyevanı doğum günü münasibətlə yüyrəkdən təbrik edirəm! Dövlətimizin inkişafı, xalqımızın rifahı və müqəddəs əməllərinin davamlılığı naminə yorulmaz fəaliyyətində ona möhkəm cansağlığı, xoşbəxtlik, tükanmaz enerji və yeni-yeni böyük uğurlar arzulayıram.
​Qəlbimizdə qurduğunuz sevgi körpüləri və insanlara bəxş etdiyiniz təbəssüm hər zaman uca tutulacaqdır. Doğum gününüz mübarək olsun!
​Dəyanət Kərimli
Azərbaycan Jurnalistlər Birliyinin (AJB) üzvü